Termele de mo' di Saverio Metere

Doppe 'nanne de nèbbie e máletimpe
Pijje 'u trè e te vènghe a retrevâ;
pe' quille c'arevéde strgne i dinte:
t'hanne aredutte mále e 'nte laminte!

Abbasce 'u purte o all'ombre d'a Turrètte
Ze' Basse c'a shcaffette (1) 'nce stà cchjù;
andò stavene scuje, varche e práte,
stá na culáte de cemènte armáte.

'Bbasce 'a marine staavène i paranze
e tutte'i sère ascevène 'i lampare;
mò quille máre, utema bbellezze
l'hanne aredutte proprie 'na shchefèzze.

E i termelise, come ninte è státe,
guardáne 'u spettacule scunsuláte
e pensáne ca c'u Mazzemarille (2)
remáne sule "a mazze du' Castille".

matizje di Saverio Metere

'U cièle scure

'u timpe nire

‘u mare arginte.

Ciuffele ‘u vinte

vol' u 'mbrellòne

sind'i laminte:

"...'Hanne aghècche

... scapp'alla'...

…aretire i panne...

'cchjappe...sciuje...

chjude...arripe...

…tràsce dinde!!! "

Remòre de vrite...

'Cquesci' 'he 'a vite!

Quand 'i capite

è già fenute:

com’a matizje

che ce n’è jute!

Tèrmele nustre di Raffaele D'Andrea

Da scannacrape Tèrmele te päre

    come nu bastemente a'mmizze a'mmare

Ca' prore ardite e u' campanäre annande

    ch'è 'na vera torre de cumande

E ù castille sta come nu lione

    chi recchie tese e l’ucchie da padrone

Da sope u chiäne ce vede a Maielle

    che pure senza sôle é sempre belle

E cchiù luntäne come na sperdute

    na femmene ce vede a lla ddermute

E u Gran Sasse de neve a recuperte

    chi trecce appese e i vracce arraperte

Mille chelure tra cile e marine

    come vampe de fuche purpurine

Lucceche l’acque come fusse argente

    cile 'ncantäte e tutte aresplendente

La spianäte de märe che ce vede

    e nu 'ncante che l'ucchie ne po crede

Da ‘lla ce nasce u sôle a ragge d'ore

    U söle che dä vite e arrepe u core.